Coornhert
feee871c31
40.566 regelingen geparsed van BWB XML naar Markdown + YAML frontmatter. Bron: repository.officiele-overheidspublicaties.nl via SRU zoekservice. Verdeling per type: - 21.167 ministeriële regelingen - 4.605 ZBO-regelingen - 3.678 verdragen - 3.631 AMvB's - 3.179 wetten - 2.564 PBO-regelingen - 883 KB's - 591 circulaires - 150 beleidsregels - 118 rijkswetten 0 parse failures. 110.531 SRU records verwerkt. |
||
|---|---|---|
| .. | ||
| README.md | ||
| titel | bwb_id | type | status | datum_inwerkingtreding | bron | citeertitel |
|---|---|---|---|---|---|---|
| Ynstellingsbeslút Tydlike kommisje garandearjen Fryske taal yn ’e Media | BWBR0031606 | ministeriele-regeling | geldend | 2012-06-02 | https://wetten.overheid.nl/BWBR0031606 | Ynstellingsbeslút Tydlike kommisje garandearjen Fryske taal yn ’e Media |
Ynstellingsbeslút Tydlike kommisje garandearjen Fryske taal yn ’e Media
Artikel 1
Yn dit beslút wurdt ferstien ûnder:
a. a.
*minister respektivelik de Minister fan OCW:* de Minister fan Underwiis, Kultuer en Wittenskip;
b. b.
*de Minister fan BZK:* de Minister fan Ynlânske Saken en Keninkryksrelaasjes;
c. c.
*kommisje:* de kommisje neamd yn kêst 2;
d. d.
*ferdrachsôfspraken:* de ôfspraken lykas fêstlein yn kêst 11 fan it Europeesk Hânfest foar regionale talen of talen fan minderheden en yn kêst 6 en 9 fan it Ramtferdrach oangeande it beskermjen fan nasjonale minderheden.
Artikel 2
1. Der is in Tydlike kommisje garandearjen Fryske taal yn ’e media.
2. De kommisje hat de taak om advys út te bringen oer it garandearjen fan de ferdrachsôfspraken Fryske taal yn ’e media by de yntegraasje fan de lanlike en regionale omrop. Dat advys sil uterlik 1 jannewaris 2013 oan de Ministers fan OCW en BZK útbrocht wurde.
Artikel 3
De kommisje wurdt ynsteld foar de rest fan 2012 mei yngong fan de datum fan it yngean fan dit beslút.
Artikel 4
As derom frege wurdt jout de kommisje oan de minister de ynformaasje dêr’t sy ferlet fan hat.
Artikel 5
1.
Ta leden fan de kommisje wurde beneamd:
a. a. de hear R.J. Hoekstra, tagelyk foarsitter; b. b. frou I. Brakman; c. c. de hear B. Groenendijk.
2. De kommisje wurdt bystien troch in skriuwer. De skriuwer is gjin lid fan de kommisje.
3. De beneaming jildt salang’t de kommisje bestiet.
4. As in lid tuskentiids ôfgiet, kin de Minister fan OCW – yn oerlis mei de Minister fan BZK en Deputearre Steaten fan Fryslân – in oar lid beneame.
Artikel 6
1. De kommisje stelt sels de eigen wurkwize fêst.
2. De kommisje kin him, foarsafier’t soks foar it útfieren fan syn taak nedich is, troch oare persoanen bystean litte, dêrûnder, eventueel op persoanlike titel, amtlike saakkundigen.
Artikel 7
De kommisje bringt foar 1 jannewaris 2013 syn einrapport oan de minister út.
Artikel 8
1. De foarsitter en oare leden fan de kommisje, foarsafier’t hja net ûnder de útsûndering fan kêst 2, tredde lid, fan de Wet fergoedingen advyskolleezjes en kommisjes falle, krije foar elke gearkomste in fergoeding.
2. De fergoeding foar in gearkomste fan de leden fan de kommisje bedraacht 3% fan it maksimum fan leanskaal 18 fan Taheakke B fan it Beleanningsbeslút Boargerlike Ryksamtners 1984.
3. De fergoeding foar in gearkomste fan de foarsitter fan de kommisje bedraacht 130% fan de hichte fan de fergoeding dy’t oan de oare leden fan de kommisje tawiisd is.
4. De foarsitter en de oare leden fan de kommisje krije in fergoeding fan reis- en ferbliuwskosten op grûn fan it Reisbeslút binnenlân en it Reisbeslút bûtenlân.
5. Twa of mear gearkomsten op deselde dei wurde as ien gearkomste oanmurken.
Artikel 9
1.
De kosten fan de kommisje komme, foarsafier’t dy goedkard binne, op rekken fan de minister. Under kosten wurde yn alle gefallen ferstien:
-
- de kosten foar gearkomsten en foar sekretariële stipe;
-
- de kosten foar it ynskeakeljen fan eksterne saakkundichheid en it útfiere litten fan ûndersyk, en
-
- de kosten foar it opstellen fan de advizen dêr’t om frege is.
2. De kommisje biedt, sa gau mooglik nei’t er ynsteld is, in begrutting en in plenning oan de minister oan.
Artikel 10
Elkenien dy’t yn de aktiviteiten fan de kommisje behelle west hat en dêrby gegevens ta syn foldwaan kriget dêr’t er fan wit of dêr’t er yn alle ridlikheid fan tinke kin dat se in fertroulik karakter hawwe en foar wa’t omreden fan amt, berop of wetlik foarskrift oangeande dy gegevens al in geheimhâldingsplicht jildt, is ta geheimhâlding dêrfan ferplichte, útsein foarsafier’t likefolle hokker wetlik foarskrift him ta bekendmakking ferplichtet of de needsaak ta bekendmakking in gefolch is fan it útfieren fan syn taak by dy aktiviteiten.
Artikel 11
Rapporten, notysjes, ferslaggen en oare produkten dy’t troch of út namme fan de kommisje opsteld wurde, wurde net troch de kommisje iepenbier makke, mar inkeld oan de minister útbrocht.
Artikel 12
De kommisje draacht sa gau mooglik, nei it ôfsluten fan syn aktiviteiten of, as de omstannichheden dêr oanlieding ta jouwe, safolle earder, de stikken oangeande de aktiviteiten oer oan it argyf fan de direksje Media, Letteren en Biblioteken fan it ministearje fan Underwiis, Kultuer en Wittenskip.
Artikel 13
1. Dit beslút giet yn op de dei nei de datum fan de Staatscourant dêr’t it yn pleatst wurdt.
2. Dit beslút ferfalt mei yngong fan 1 jannewaris 2013.
Artikel 14
Dit beslút wurdt oanhelle as Ynstellingsbeslút Tydlike kommisje garandearjen Fryske taal yn ’e Media.