Coornhert
feee871c31
40.566 regelingen geparsed van BWB XML naar Markdown + YAML frontmatter. Bron: repository.officiele-overheidspublicaties.nl via SRU zoekservice. Verdeling per type: - 21.167 ministeriële regelingen - 4.605 ZBO-regelingen - 3.678 verdragen - 3.631 AMvB's - 3.179 wetten - 2.564 PBO-regelingen - 883 KB's - 591 circulaires - 150 beleidsregels - 118 rijkswetten 0 parse failures. 110.531 SRU records verwerkt.
67 lines
3.4 KiB
Markdown
67 lines
3.4 KiB
Markdown
---
|
||
titel: Ynstellingsbeslút Konsultatyf Orgaan Frysk 2010
|
||
bwb_id: BWBR0027231
|
||
type: ministeriele-regeling
|
||
status: geldend
|
||
datum_inwerkingtreding: '2010-02-18'
|
||
bron: https://wetten.overheid.nl/BWBR0027231
|
||
citeertitel: Ynstellingsbeslút Konsultatyf Orgaan Frysk 2010
|
||
---
|
||
|
||
# Ynstellingsbeslút Konsultatyf Orgaan Frysk 2010
|
||
|
||
### Artikel 1
|
||
|
||
Der is in konsultatyf orgaan foar de Fryske taal en kultuer, hjirnei te neamen: it KO Frysk.
|
||
|
||
### Artikel 2
|
||
|
||
**1.** It KO Frysk hat as taak om oan de Minister fan Ynlânske Saken en Keninkryksrelaasjes te rapportearjen oer it ferlet en de winsken oangeande de Fryske taal en kultuer yn gearhing mei it Europeesk Hânfest foar regionale talen of talen fan minderheden en mei it Ramtferdrach oangeande it beskermjen fan nasjonale minderheden.
|
||
|
||
**2.** It KO Frysk hat fierders as taak om oan de Minister fan Ynlânske Saken en Keninkryksrelaasjes advys út te bringen oer de útfiering fan de Bestjoersôfspraak Fryske taal en kultuer 2001 en fan de útfieringskonvenanten; soks yn gearhing mei it Europeesk Hânfest en it Ramtferdrach dêr’t yn it earste lid op doeld wurdt.
|
||
|
||
### Artikel 3
|
||
|
||
**1.** It KO Frysk bestiet út fiif leden, dêrûnder in foarsitter en in vice-foarsitter.
|
||
|
||
**2.** De foarsitter, vice-foarsitter en oare leden fan it KO Frysk wurde, op foardracht fan dit orgaan, troch de Minister fan Ynlânske Saken en Keninkryksrelaasjes beneamd foar in tiidrek fan op syn heechsten fjouwer jier.
|
||
|
||
**3.** By it beneamen fan de foarsitter en de vice-foarsitter en by it beneamen fan de oare leden fan it KO Frysk wurdt rekken hâlden mei itjinge dat bepaald is yn kêst 12, tredde lid, fan de Ramtwet advyskolleezjes.
|
||
|
||
**4.** It KO Frysk kin waarnimmers talitte.
|
||
|
||
### Artikel 4
|
||
|
||
**1.** Foar syn wurksumheden kriget de foarsitter fan it KO Frysk in fergoeding fan € 220,- de gearkomste.
|
||
|
||
**2.** Foar harren wurksumheden krije de leden fan it KO Frysk dy’t dêrfoar yn ’e beneaming komme, in fergoeding fan € 170,– de gearkomste.
|
||
|
||
**3.** De Minister fan Ynlânske Saken en Keninkryksrelaasjes fergoedet oan de leden fan it KO Frysk de reiskosten op basis fan iepenbier ferfier earste klas of op basis fan eigen ferfier, makke foar it bywenjen fan gearkomsten foar it KO Frysk, sûnder dat dêr bewiisstikken fan oerlein hoege te wurden.
|
||
|
||
**4.** De fergoeding fan eigen ferfier berint de hichte fan it bedrach lykas neamd yn kêst 2 fan de Reisregeling binnenlân.
|
||
|
||
### Artikel 5
|
||
|
||
**1.** Ta skriuwer fan it KO Frysk wurdt beneamd: de skriuwer fan it Berie foar it Frysk.
|
||
|
||
**2.** It KO Frysk wurdt yn syn wurksumheden bystien troch it buro fan it Berie foar it Frysk.
|
||
|
||
### Artikel 6
|
||
|
||
It KO Frysk fiert de taken dy’t yn kêst 2 neamd wurde, út op grûn fan in twajierliks wurkprogram, dat yn nau oerlis mei it ministearje fan Ynlânske Saken en Keninkryksrelaasjes opsteld wurdt.
|
||
|
||
### Artikel 7
|
||
|
||
It behear fan de stikken dy’t ferbân hâlde mei de wurksumheden fan it KO Frysk bart yn oerstimming mei de behearregels, op grûn fan de Argyfwet 1995 en it Argyfbeslút 1995. De oanbelangjende stikken wurde nei beëinigjen fan de wurksumheden opburgen yn it argyf fan it ministearje fan Ynlânske Saken en Keninkryksrelaasjes.
|
||
|
||
### Artikel 8
|
||
|
||
It Instellingsbesluit consultatief orgaan Friese Taal wurdt ynlutsen.
|
||
|
||
### Artikel 9
|
||
|
||
Dit beslút giet yn op de twadde dei nei de datum fan útjefte fan de Staatscourant dêr’t it yn pleatst wurdt.
|
||
|
||
### Artikel 10
|
||
|
||
Dit beslút wurdt oanhelle as: Ynstellingsbeslút Konsultatyf Orgaan Frysk 2010.
|